Lee's life

這不是一篇專業的醫療 instruction，

係純粹由一個經驗豐富，

一年中幾次暑的患者，

以第一身同大家分享o下中暑。

 

小妹因為身體有毛病，

極易中暑。

點解我仲未死 ?

以我和家人 (處理我) 都咁有經驗，

當然唔會俾自己去到咁盡啦，

有些天氣和活動，

就唯有避免啦。

 

遇著天氣熱，但又一定要去戶外，

咁就要帶夠裝備，

要通知身邊人照應。

裝備方面，

要帶擋太陽的傘, 電風扇, 清水噴霧, 和保溫瓶入住的冰水。

衣著要淺色, 短, 薄和通爽。

 

踏入中暑時，當然體溫會升高，

人會發熱，皮膚變紅。

初初的變化，自己未必擦覺，

只要用皮膚和身邊正常體溫的人觸碰 (我通常用前臂碰別人的前臂)，

就會覺得別人身體好涼快，

即是你的體溫已經和正常人出現差距了，

要停止活動，和盡快到涼快的地方休息。

 

傘和風扇應該早已使用中，

要用噴霧反覆幫身體表面降溫，

因為中暑的人好多時都有排汗不足情況，

噴霧就代替了汗水的功能。

而身體入面，就靠飲冰水了，

但不要飲得太急。

 

如果情況繼續發展，

會開始呼吸困難, 無力說話, 頭暈, 身體乏力, 和暈倒，

而我就試過因為呼吸困難而過份喘氣，

導致抽筋。

 

身邊的人見患者發紅，

可以摸摸患者皮膚是否發熱，

要將患者移送到陰涼的地方 (當然有冷氣最好) ，

不要團團圍著，要空氣流通，

要撥涼飲水，

無噴霧的話，整濕掌心，

再反覆印濕患者的皮膚 (不要用冰水)，

特別係面和頸，可以幫患者降溫和保持清醒，

情況嚴重時，當然要 call 救護車啦。